«Жұмысшы мамандықтарының қаласы» фестивалі – Жұмысшы мамандықтарының жылын ресми түрде ашатын алғашқы іс-шара. Іс-шараның бірегей форматы келушілерге әртүрлі кәсіптердің ерекшеліктеріне қанығуға және интерактивті платформалар мен мамандандырылған жабдықтардың көмегімен экономиканың әртүрлі салаларында өздерін сынап көруге мүмкіндік береді. «Жұмысшы мамандықтарының қаласы» фестивалі Астанадағы EXPO халықаралық көрме орталығында өтті, онда біздің колледжге бару бақыты бұйырды. Іс-шараны ұйымдастырған Қазақстан Республикасының білім және ғылым министрлігі. Фестиваль жұмысшы мамандықтарын дамытуға және танымал етуге, болашақ мамандардың, жұмыс берушілердің және білім беру мекемелерінің өзара іс-қимылы үшін платформа құруға бағытталған. Бағдарлама аясында әртүрлі салалардағы тақырыптық көшелер ұсынылған: тау-кен және металлургия, машина жасау және көлік, ауыл шаруашылығы және су ресурстары, құрылыс, болашақ кәсіптер, сондай-ақ құтқарушылар мен өрт сөндірушілер аймағы. Қатысуға Қазақстанның ірі компаниялары шақырылды: Qarmet, "Қазақстан темір жолы", Air Astana және тағы басқалар болды. Фестивальде жұмыс берушілердің инженерлік-техникалық мамандықтарды даярлаудың заманауи технологияларын көрсетуіне ерекше назар аударылды.

«Жұмысшы мамандықтарының қаласы» фестивалі Қазақстан Республикасы Президентінің 2025 жылға арналған «Жұмысшы мамандықтары жылы» аясындағы маңызды бастамаға айналғанын айта кеткен жөн. Шара кәсіптік білім беруді дамытуға, жұмысшы мамандықтарының беделін арттыруға және жастарға жаңа мүмкіндіктер туғызуға ықпал етеді. 

Жастар ісі жөніндегі инспекторы Нұрқанова А.Қ