Қаржылық және интернет-қылмыстар саласындағы құқық бұзушылықтардың алдын алу, сондай-ақ жастардың құқықтық сауаттылығын арттыру мақсатында Новоишим аграрлық-техникалық колледжінде барлық курс студенттерімен профилактикалық әңгіме өткізілді.

Кездесуді Ғабит Мүсірепов атындағы аудандық полиция бөлімінің ҚПКБ аға жедел уәкілі, полиция майоры Ербатыров Уалий Әльбекович жүргізді.

Кездесу барысында студенттерге «дроппер» ұғымының мәні, азаматтарды, соның ішінде жастарды, банк карталарын, электронды әмияндарды және өзге де төлем құралдарын пайдаланумен байланысты заңсыз әрекеттерге тартудың негізгі схемалары түсіндірілді. Әлеуметтік желілер, мессенджерлер және «жеңіл табыс» туралы хабарландырулар арқылы жүргізілетін вербовка тәсілдеріне ерекше назар аударылды.

Полиция майоры Ербатыров У.А. дропперлік қызметке қатысудың құқықтық салдарына жан-жақты тоқталып, Қазақстан Республикасының қылмыстық және әкімшілік заңнамасының нормаларын түсіндірді, сондай-ақ заңды білмеу жауапкершіліктен босатпайтынын атап өтті. Құқық қорғау органдары тәжірибесінен нақты мысалдар келтірілді.

Әңгіме барысында студенттерге жеке қаржылық қауіпсіздікті қамтамасыз ету бойынша ұсынымдар беріліп, банк карталарын пайдалану ережелері және жеке деректерді үшінші тұлғаларға беруге жол берілмейтіні түсіндірілді. Сондай-ақ, заңсыз әрекеттерге тарту әрекеттері болған жағдайда қолдану қажет іс-қимыл тәртібі туралы мәлімет берілді.