«Солтүстік Қазақстан облысы Ғабит Мүсірепов атындағы аудан әкімдігінің жұмыспен қамту және әлеуметтік бағдарламалар бөлімі» КММ-де жұмысшы мамандықтар жылын өткізу жөніндегі іс-шаралар жоспары аясында Новоишим аграрлық-техникалық колледжінің 1 курс студенттері үшін ашық есік күні ұйымдастырылды.

Іс-шара жастардың жұмысқа орналасу, кәсіптік білім алу мүмкіндіктері және еңбек нарығында сұранысқа ие мамандықтар туралы хабардар болуын арттыруға бағытталған.

Студенттерге Бөлімнің қызметі, жұмыспен қамтуды қолдаудың мемлекеттік бағдарламалары, сондай-ақ мемлекеттік қызметтерді алу тәртібі туралы айтылды.

«Солтүстік Қазақстан облысы Ғабит Мүсірепов атындағы аудан әкімдігінің жұмыспен қамту және әлеуметтік бағдарламалар бөлімі» КММ 18 мемлекеттік қызмет көрсетеді.

Мұндай іс-шараларды өткізу жастардың кәсіби бағдарлануына, жұмысшы кәсіптерінің оң имиджін қалыптастыруға және ауданда жұмыспен қамту деңгейін арттыруға ықпал етеді.