Новоишим аграрлық-техникалық колледжінің жатақханасында «Буллинг» тақырыбында профилактикалық әңгіме өткізілді. Әңгіме жүргізген – жастар ісі жөніндегі инспектор Нурканова А.К.

Іс-шараның мақсаты – білім алушылардың буллинг көріністеріне деген теріс көзқарасын қалыптастыру, құқықтық сауаттылық деңгейін арттыру, өзара сыйластық пен толерантты қарым — қатынас дағдыларын дамыту, сондай-ақ студенттік ортада қақтығыстардың алдын алу.

Әңгіме барысында келесі мәселелер қарастырылды:

• буллинг ұғымы және оның негізгі түрлері (физикалық, психологиялық, вербалды, кибербуллинг);
• жасөспірімдер мен жастар арасында буллингтің пайда болу себептері;
• буллингтің жәбірленушіге, агрессорға және айналасындағыларға тигізетін салдары;
• қорқыту мен қудалауға байланысты заңға қайшы әрекеттер үшін жауапкершілік;
• буллингтің алдын алу жолдары және оның орын алған жағдайында әрекет ету алгоритмі.

Әңгіме қорытындысы бойынша іс-шараның мазмұнды әрі танымдық атмосферада өткенін, студенттердің буллинг мәселесі бойынша хабардарлығын арттыруға және білім беру ортасында жауапты мінез — құлықты қалыптастыруға ықпал еткенін атап өтуге болады.