2025 жылдың 12 желтоқсанында Новоишим аграрлық-техникалық колледжінде «Адал азамат» тәрбие беру бағдарламасы мен «Оқуға құштар колледж» тұжырымдамасы аясында «Не? Қайда? Қашан?» атты қызықты әдеби ойын өтті. Шара кітапханашы Б. А. Мамбеталинованың жетекшілігімен ұйымдастырылып, студенттердің дүниетанымын кеңейтуге, әдебиетке қызығушылығын арттыруға, эрудициясын дамытуға және командалық өзара әрекеттестікті нығайтуға бағытталды.

Ойында бірінші курс студенттері — колледждің зияткерлер командасы — қатысты. Ойын алаңында 12 сектор орналастырылып, олардың әрқайсысында классикалық әдеби шығармаларға қатысты сұрақтар жасырылған. Команда әр сұрақты бір минут ішінде талқылап, жауап берді.

Кітапханашы шараның маңыздылығын атап өтіп, ойын тек білім сайысы ғана емес, сонымен бірге интеллектті, логиканы және бірін-бірі тыңдау қабілетін дамыту жолы екенін еске салды.

Студенттер оқылған әдеби шығармалар бойынша берілген тапсырмаларды сәтті орындады. Әсіресе «Қара жәшік», блиц-сұрақтар және «Ассоциациялар» бөлімі ерекше эмоциялар сыйлады.

Раундтар аяқталғаннан кейін қазылар алқасы қатысушылардың белсенділігін, ойлылығы мен командалық рухын атап өтті.

Интеллектуалдық сайыстың нәтижесі бойынша 11-М тобының студенті — Королев Генрих үздік білімпаз атанды. Ол классикалық әдебиет бойынша терең білімін, жылдам талдау қабілетін және сенімді жауап беруімен ерекшеленіп, команданың табысына елеулі үлес қосты.

Барлық қатысушылар тәтті сыйлықтармен марапатталып, бұл шараның жағымды әрі әсерлі аяқталуына себеп болды.

Жеңімпазды құттықтаймыз!

Колледждің келесі интеллектуалдық ойындарында қайта кездескенше!